Fellsmörk

Fréttir árið 2013

desember 2013

Nokkrar vetrarmyndir

Fellsmörk er falleg að vetrarlagi. Hér eru nokkrar myndir teknar í á aðventu jóla 2013.

Júlí 2013

Skordýr og fuglalíf Fellsmerkur

Það er ekki bara að gróður dafnar á Fellsmörk því þar er einnig hið fjölskrúðugasta skordýralíf. Nokkrar myndir af pöddulífi Fellsmerkur eru hér.

Einnig var bætt við nokkrum fuglamyndum eins og myndinni af þrestinum hér að ofan flögrandi um. Fuglamyndir eru hér.

júlí 2013

Að klára plöntuskammtinn

Minnt er á að nú fer hver að verða síðastur að ná sér í plöntuskammtinn. Eftir helgina 13. til 14. júlí verður öllum frjálst að taka þær plöntur sem eftir eru, en munið að skrá allt sem tekið er og skrá fyrir land viðkomandi.

Myndir frá plöntudegi 22. júní 2013

Albrecht mundar gróðursetningarstafinn

Nokkrar myndir af plöntudeginum 22. júní og grillinu á eftir í bústað Sigurlaugar við Heiðarbraut. Sjá hér.

19. júní 2013

Nánar um plöntudaginn 22. júní

Gróðursetningardagurinn 2013 verður laugardaginn 22. júní n.k. Þá verður hin árlega sameiginlega gróðursetning landnema.

Mæting við Fell innan við gömlu hlöðuna að austan, þar sem við höfum gróðursett undanfarin ár, kl. 13.00 – stundvíslega.

Fyrirhugað er að gróðursetja um 2.680 plöntur frá Landgræðsluskógum í sameiginleg svæði á gróðursetningardaginn og deila út rúmlega 7.000 plöntum á landnemaspildur þegar sameiginlegri gróðursetningu lýkur.

Áður en verk hefst verður farið yfir það sem gera á – því er mikilvægt að þátttakendur mæti stundvíslega.

Mælst er til þess að plöntuskammtar séu teknir þennan dag. Plönturnar verða staðsettar í Keldudal í landi Helgu og Auðuns, eftir 14. júlí verður öllum frjálst að taka ósóttar plöntur.

Eftir gróðursetningu er fyrirhugað að grilla saman við sumarhöll Sigurlaugar, Heiðarbraut 7, þar sem kynt verður upp í kolunum. Hafið með ykkur mat, drykki og annað sem þarf til mannfagnaðar og grillveislu af þessu tagi ( kol + grill + pappadiskar + mál + hnífapör).

Gaman væri ef einhver hefur tök á að taka með hljóðfæri til undirleiks við fjöldasöng ef sá gállin verður á fólki.

Landnemar eru minntir á að skila tómum plöntubökkum í gömlu hlöðuna á Felli. Áhöldum, sem fengin hafa verið að láni hjá Skógræktarfélagi Reykjavíkur, þarf að skila strax eftir sameiginlega gróðursetningu þ. 22. júní í gömlu hlöðuna að Felli.

Hittumst heil á Fellsmörk – Skógarkveðjur!

Undirbúningshópurinn:

Júlía P. Andersen
sími 553 6753
farsími 856 0303
julia@ask.is

Valdimar Reynisson
sími 437 1910
farsími 860 4924
valdi@skogur.is

Þorvaldur Ólafsson
sími 553 6114
farsími 863 8748
thorvo@ismennt.is

13. júní 2013

Sameiginleg gróðursetning 22. júní

Plöntudagur, hin árlega sameiginlega gróðursetning á Fellsmörk verður laugardaginn 22. júní 2013

Mæting við Fell innarlega að austan, þar sem við höfum gróðursett undanfarin ár
kl. 13.00 – stundvíslega.

Nánari upplýsingar verða sendar út er nær dregur.

13. maí 2013

Allt orðið fólksbílafært

Nýjustu fréttir eru þær að slóðar á vestursvæði hafi líka verið lagfærðir og því er orðið fólksbílafært um allt svæðið.

12. maí 2013

Búið að opna inn á Vestur-Mörk

Búið er að veita ánni frá á Felli og opna þar með inn á vesturhluta Fellsmerkur. Búið er að laga veginn inn í Fellsmörk með því að fara yfir hann með valtara og ætti því að vera fær litlum bílum. Þá hafa nokkrir verstu brautirnar verið lagaðar í Keldudal. Verið er að skoða hvernig best er að laga þær Fellsmegin. Þá er núna verið að vinna í viðhaldi griðinga.

25. apríl 2013

Aðalfundur og plöntudagur

Áætlun fyrir vorið er að aðalfundur Fellsmerkur verið þriðjudag 14. maí og að sameiginlegur plöntudagur verði laugardag 23. júní.

Einnig er verið að undirbúa sameiginlega ferð félagsmanna í gróðrarstöðina Mörk þar sem við munum skoða hvernig staðið er að gerð skógarplantna og er áætluð tímasetning þeirrar skoðunarferðar um fyrstu helgina í maí en verður kynnt betur þegar það hefur fengist staðfest.

9. apríl 2013

Ástand vega á Fellsmörk

Áin Klifandi er fallega blá þar sem hún rennur í vegarstæðinu inn á vestursvæði Fellsmerkur!

Núna þegar vorið er að berjast við veturinn og ekki alltaf augljóst hvort hafi betur þó við vitum að vorið verði ofan á og á eftir fylgi sumar, þá er ekki alveg sama vissa um hvernig baráttan við vatnsföllin fer. Staðan sem var uppi á austur svæði Fellsmerkur lítur nefnilega út fyrir að vera komin upp á vestursvæðinu. Eins og sést á myndinni að ofan þá liggur Kilfandi í vegarstæðinu fyrir neðan Hólsbraut og situr þar sem fastast.

Vatnslítil áin er líklega ófær fyrir jepplinga og þaðan af minni bíla og ef eða þegar vatnavextir verða þarf ekki að spyrja að leiklslokum. Gróður sem sem t.d. sést á myndinni mun sópast í burt og ekki mun verða mögulegt að aka þar inn á neinum venjulegum ökutækjum.

7. mars 2013

Vorið sem þjófstartaði

Fyrstu helgina í mars 2013 var vorið í startholunum í Fellsmörk. Eins og sjá má á myndinni að ofan voru tré að byrja að laufgast enda voru mánuðurnir janúar og febrúar með þeim al hlýjustu sem hafa mælst. Nokkrum dögum seinna var komið frost og svo kom hríðarbylur. Er óskandi að trén hafi ekki hlotið mikinn skaða af þessum sveiflum í veðrinu.