Stjórn Félags landnema á Fellsmörk skilaði athugasemdum fyrir hönd landnema þar sem athugasemdir voru gerðar við nokkra þætti skipulagsins.

Boðað var til almenns félagsfundar í landnemafélaginu:

Það er boðað til almenns félagsfundar í Félagi landnema á Fellsmörk, mánudag 27. febrúar kl. 19:00. Tilefni fundarins er einkum breytingar á aðalskipulagi Mýrdalshrepps og almenn umræða um skipulagsmál. Fundurinn verður í sal Skógræktarfélags Reykjavíkur á Elliðavatni. 

• Kynningin af fundinum sem var send til landnema eftir fundinn

Vegurinn skemmdist við brúna yfir Holtsá. Líklegast má telja að þessar vegaskemmdir komi til vegna efnistöku rétt fyrir neðan brúna sem veldur því að það grefur alvarlega frá henni með vegaskemmdum þegar það vex í ánni.

Viðgerð gekk annars nokkuð hratt fyrir sig. Auður í Skógræktarfélaginu gekk í málið.

Sveitarfélagið í Mýrdalshreppi er að gera breytingar á aðalskipulagi hjá sérog hefur tillaga að aðalskipulagi verið auglýst á vef sveitarfélagsins.

Fellsmörk kemur fram á aðalskipulaginu - og kom reyndar einnig fram á eldra skipulagi. Endanleg útfærsla deiliskipulags Fellsmerkur tekur svo mið af gildandi aðalskipulaginu – en vinnu við deiliskipulagið hjá Skógræktarfélagi Reykjavíkur er ekki lokið og þarf væntalega að taka mið af því aðalskipulagi sem tekur gildi væntanlega innan fárra mánaða.

Frestur til að koma með athugasemdir við aðalskipulagið er til 8. mars og öllum er væntanlega heimilt að gera athugasemdir. Stjórn Félags landnema gerir ráð fyrir að skila athugasemdum fyrir hönd félagsins.