Fellsmörk - myndasíður

Myndir frá Fellsmörk 13. maí 2010

Kristinn Helgason og Sigrún dóttir hans voru á ferð í Fellsmörk 13. maí. Öskufall var orðið allnokkurt en um ferðina hafði Kristinn það að segja:

Við Sigrún, dóttir mín, fórum í gær í "vetvangskönnun". Að vonum var útlitið "grátt". Veginn -vestanvert- tel ég þó fólksbílafæran en hefur Mýrdalsjökull vægast sagt skipt litum, við hamfarirnar.

Því miður bendir ekkert til að þessum ósköpun sé að linna - en ef hann Guð okkar træði nú tappa í Gíginn, fljótlega -yrðum við Frístundafólkið- tæplega fyrir búsifjum. (Á "ca bersvæði" tróð ég mínum vísindafingri niður & öskuþykktin reyndist innan þriggja sentimetra þar.) Öðru máli gegnir hinsvegar um blessaða Bændurna við Pétursey & í Mýrdal, að ekki sé talað um Eyfellinga.

Á leiðinni hefur mér ávallt þótt fegursti kaflinn undir Eyjafjöllunum. Svo var einnig nú. En í þetta skipið var fegurðin býsna ógnþrungin. Askan buldi á bílnum eins & haglél & útsýnið náði tveim stikum á bakaleið -(slapp vel, því seinna fór það víst í 2m).

Sem gamall kortagerðarmaður (+ áhugaljósmyndari) hef ég verið viðstaddur mörg eldgos (varð svo lánsamur að vinna við tvö) en hef ekki upplifað öskugos eins & nú er raunin. Vonandi verður minna úr þessu en eldri slíkum. Kær kveðja Kristinn

Fyrstu myndirnar sýna gosmökkinn eins og hann birtist undir Eyjafjöllunum og á leið til Fellsmerkur. Neðar eru myndir frá Fellsmörk sem sýna öskuna ágætlega.

Þessi mynd frá árinu 2007 sýnir grænan gróður og hvítan jökul.
Frá sama stað 13. maí 2010. Gróðurinn hulinn ösku og jökullinn orðinn svartur á að líta.

______________________
Ljósm. Kristinn Helgason