Fundagerð hjá stjórn Félags landnema í Fellsmörk

----------------------
SÉRSTAKT EFNI

Erindi Valdimars af aðalfundi 2012: Umhirða trjágróðurs

Fuglalíf á Fellsmörk

Panoramamyndir

----------------------
FLÝTILEIÐIR

Félagatal

Fundargerðir

Vegir og slóðar

Lönd á Fellsmörk (GPS)

Stjórnarfundur í Félagi landnema í Fellsmörk haldinn 6.4.2004

(Þriðji fundur stjórnar veturinn 2003/2004, haldinn hjá Magnúsi)

Mættir: Auðunn Oddsson, Einar Ragnar Sigurðsson, Hjalti Elíasson og Magnús Jóhannesson.

Forföll: Einar Kristjánsson, Kjartan J. Kárason og Sveinn Björnsson

Dagskrá fundarins:

1. Viðgerðir á girðingum og vegum:
2. Tímasetning aðalundar
3. Tímasetning plöntudags
4. Mál vegna stofnskjala, þinglýsinga samninga og GPS mælinga á svæðinu
5. Önnur mál

Helstu atriði úr fundargerð:

1.      Viðgerðir á girðingum og vegum: Töluverð vinna er framundan við að lagfæra girðingar eftir flóð frá síðasta hausti. Einar Ragnar mun verða í sambandi við SR vegna þess máls og gert ráð fyrir að girðingar hafi verið lagfærðar fyrir 1. júní í síðasta lagi.
2.      Tímasetning aðalfundar: Miðað verður við að aðalfundur félagsins verði haldinn um miðjan maí og mun Einar Ragnar verða í sambandi við SR um afnot af húsnæði SR til að hýsa fundinn.
3.      Tímasetning plöntudags: Gert er ráð fyrir að árlegur plöntudagur verði laugardaginn 19. júní. Ef útlit verður fyrir að plöntur til gróðursetningar berist seint verður hann hugsanlega viku seinna, þ.e. 26. júní.
4.      Mál vegna stofnskjala, þinglýsinga samninga og GPS mælinga á svæðinu:  Málið var reifað frá ýmsum áttum. M.a. kom fram að til að hægt sé að þinglýsa samningum landnema um afnot af landi þá þarf landeigandi fyrst að vera búinn að láta þinglýsa stofnskjali sem er nauðsynlegt til að lóðir séu stofnaðar í Landskrá fasteigna. Stofnskjalið er annað hvort byggt á nákvæmum uppdrætti eða GPS hnitum. Hvorugt er til reiðu fyrir Fellsmörk.
Hingað til hafa samningar flestra landnema við SR miðast við annars vegar byggingarreit (u.þ.b. 3000 fm) og hins vegar ræktunarreit (u.þ.b. 10.000 fm). Ekki er ljóst hvort hægt sé að þinglýsa samningum miðað við slíka tvær mismunandi reitaskilgreiningar og því þarf e.t.v. að breyta samningum þannig að þeir miðist annað hvort við allan ræktunarreitinn eða einungis byggingarreitinn. Ef miðað verður við byggingarreitinn er möguleiki á að landeigandi komi til með að breyta nýtingu ræktunarreitsins en ef miðað verður við allan ræktunarreitinn munu opinber gjöld landnema vegna svæðisins hækka í réttu hlutfalli við stærðina á reitnum.
Niðurstaðan varð að stjórn Landnemafélagsins myndi forvinna málið og hafa samráð við framkvæmdastjóra SR um form samninga í framtíðinni. Málið verður síðan rætt á aðalfundi Landnemafélagsins í vor og gert ráð fyrir að landnemar fái kynningu á því með fundarboði.
5.      Önnur mál:
Sala á hluta jarðarinnar Álftagróf: Stjórn félagsins hefur ekki fengið frekari fréttir um sölu jarðarinnar en var á seinasta fundi um að komin væri heimild til að auglýsa jörðina. Þar sem fram kom á seinasta fundi stjórnarinnar með Helga Gíslasyni frá SR að stjórn Landnemafélagsins verði látin fylgjast með söluferlinu þá má gera ráð fyrir að ekkert hafi gerst frekar varðandi það.
Um skotveiðar á Svæðinu: Ásókn skotveiðimanna virðist vera töluverð á svæðinu eftir að ábúð lauk í Álftagróf fyrir einu ári. Hefur þetta haft neikvæð áhrif á fuglalíf á svæðinu auk þess sem meðferð skotvopna fer ekki saman við almennt útivistarsvæði. Fékk tillaga frá Auðunni um að næsta sumar verði sett verði upp skilti um að meðferð skotvopna sé bönnuð og hugsanlega setja auglýsingu þess efnis í blöð þar eystra jákvæða afgreiðslu.

Tillaga að hafa næsta fund fimmtudaginn 22. apríl og hann verði haldinn hjá Auðunni Oddssyni.

Facebook síða Fellsmerkur

LUMAR ÞÚ Á EFNI?

Landnemar og aðrir sem luma á efni sem tengist Fellsmörk eru hvattir til að senda það til félagsins svo það komist á vefinn. Sérstaklega er óskað eftir myndum í hóflegu magni sem m.a. sýna hvernig ræktunarstarfið gengur.

Sendist til umsjónarmanns vefsins á netfangið eragnarsig@gmail.com.