|
TIL BAKA
----------------------
SÉRSTAKT EFNI
Erindi Valdimars af
aðalfundi 2012: Umhirða trjágróðurs
Fuglalíf á Fellsmörk
Panoramamyndir
----------------------
FLÝTILEIÐIR
Félagatal
Fundargerðir
Vegir og slóðar
Lönd á
Fellsmörk (GPS) |
|
|
Stjórnarfundur í Félagi landnema í Fellsmörk haldinn 26.2.2004
(Annar fundur stjórnar veturinn 2003/2004, haldinn hjá Sveini)
Mættir: Einar Kristjánsson, Einar Ragnar Sigurðsson, Hjalti
Elíasson, Kjartan J. Kárason, Magnús
Jóhannesson og Sveinn Björnsson.
Forföll: Auðunn Oddsson
Gestur fundarins var Helgi Gíslason, nýráðinn
framkvæmdastjóri Skógræktarfélags Reykjavíkur. Var tilgangur
fundarins að kynna honum helstu hagsmunamál landnema og fara yfir þau
verkefni sem helst brenna á landnemum.
Helstu atriði úr fundargerð:
-
Sala á Álftagróf:
Fram kom hjá Helga að lokið væri mælingu á 50 ha landi
umhverfis húsin í Álftagróf sem til stendur að auglýsa til sölu.
SR mun hafa talsvert um skilmála sölunnar að segja og getur
tryggt að tekið verði tillit til hagsmuna félagsins og landnema.
Tryggt er að landnemar muni hafa umferðarrétt um landið sem selt
verður.
-
Plöntur 2004:
Fram kom hjá Helga að frestur til að skila inn plöntupöntunum
fyrir sumarið er að renna út nú um mánaðamótin. Þetta árið
standa til boða tegundirnar birki, rússalerki, sitkagreni og
stafafura. Í lok fundarins var ákveðið að panta eftirfarandi
magn:
| Birki: |
8500 stk |
| Lerki: |
500 stk |
| Sitkagreni: |
2000 stk |
| Stafafura: |
1000 stk. |
| ---------------------------------- |
| Samtals |
12.000 stk. |
- GPS mælingar og þinglýsingar á samningum:
GPS-mælingarnar sem gerðar voru haustið 2002 eru ekki nothæfar.
Nauðsynlegt er að bæta þær áður en hægt er að ganga frá nýjum
samningum landnema. Einnig þarf að taka tillit til þeirrar ákvörðunar
sem tekin var í fyrra um að jafna stærðir skógræktarreita
landnema. Einar Ragnar mun hafa samband við sveitarstjóra Mýrdalshrepps
vegna krafna til mælihnita og þinglýsingar samninga.
- Framvinda
skógræktar í Fellsmörk: Helgi fór nýlega
austur í Fellsmörk og skoðaði svæðið. Taldi hann árangur af skógræktarstarfinu
við fyrstu sýn vera minni en vænta mátti m.t.t. þess plöntumagns
sem farið hefur inn á svæðið og árangurs sem náðst hefur í skógræktarreitnum
í Gjögrum.
Rætt var um þá faglegu ráðgjöf sem
landnemar hafa fengið frá SR á undangengnum árum. Hefur hún verið
mjög takmörkuð og skógræktaráætlun fyrir svæðið liggur ekki
fyrir. Taldi Helgi að fjarlægð Fellsmerkur frá Reykjavík gæti
staðið í vegi fyrir því að landnemar fái viðunandi faglega þjónustu
frá félaginu í framtíðinni. Fullur vilji væri hjá félaginu til
að koma málefnum Fellsmerkur í ásættanlegt horf fyrir landnema
þótt það þýddi hugsanlega breytta aðkomu félagsins að málum
svæðisins. Ætlar Helgi að kanna grundvöll fyrir gerð skógræktaráætlunar
fyrir svæðið í heild og hvort slík áætlun geti hugsanlega falið
í sér hnitamælingu skógræktarreita (sjá lið 3 hér að ofan).
- Lagfæringar
á girðingum: Forgangsverkefni í vor verður
lagfæring á girðingum sem haustflóðin sópuðu burt á austursvæðinu.
|
|
|
